ขนฺเธ ปฏิจฺจ ทฺเว ขนฺธา …

ทุกติกปฏฺฐาน ทุกทุกปฏฺฐาน

ปุจฺฉา – เตนาวุโส…เป.… ติกปฏฺฐานาทีสุ ฉสุ อนฺโตคธปฏฺฐาเนสุ ปฐมํ ติกปฏฺฐานญฺจ ทุติยํ ทุกปฏฺฐานญฺจ วิภชิตฺวา ตทวเสสานิ ทุกติกปฏฺฐานาทีนิ จตฺตาโร ปฏฺฐานานิ กถํ วิภชิตฺวา เทสิตานิฯ

วิสฺสชฺชนา – อภิธมฺมปิฏเก ภนฺเต…เป.… ติกปฏฺฐานาทีสุ ฉสุ อนฺโตคธปฏฺฐาเนสุ ปฐมํ ติกปฏฺฐานญฺจ ทุติยํ ทุกปฏฺฐานญฺจ วิภชิตฺวา ตทวเสสา ทุกติกปฏฺฐานาทโย ‘‘เหตุํ กุสลํ ธมฺมํ ปฏิจฺจ เหตุ กุสโล ธมฺโม อุปฺปชฺชติ เหตุปจฺจยาฯ เหตุํ กุสลํ ธมฺมํ ปฏิจฺจ นเหตุ กุสโล ธมฺโม อุปฺปชฺชติ เหตุปจฺจยาฯ เหตุํ กุสลํ ธมฺมํ ปฏิจฺจ เหตุ กุสโล จ นเหตุ กุสโล จ ธมฺมา อุปฺปชฺชนฺติ เหตุปจฺจยา, นเหตุํ กุสลํ ธมฺมํ ปฏิจฺจ นเหตุ กุสโล ธมฺโม อุปฺปชฺชติ เหตุปจฺจยา, นเหตุํ กุสลํ ธมฺมํ ปฏิจฺจ เหตุ กุสโล ธมฺโม อุปฺปชฺชติ เหตุปจฺจยา, นเหตุํ กุสลํ ธมฺมํ ปฏิจฺจ เหตุ กุสโล จ นเหตุ กุสโล จ ธมฺมา อุปฺปชฺชนฺติ เหตุปจฺจยา’’ติ เอวมาทินา วิตฺถารโต วิภชิตฺวา เทสิตานิฯ

ธมฺมปจฺจนียปฏฺฐาน

ปุจฺฉา – เตนาวุโส ภควตา…เป.… ปฐมํ ธมฺมานุโลมปฏฺฐานํ วิภชิตฺวา ตทนนฺตรํ ทุติยํ ธมฺมปจฺจนียปฏฺฐานํ กถํ วิภชิตฺวา เทสิตํฯ

วิสฺสชฺชนา – อภิธมฺมปิฏเก ภนฺเต…เป.… ปฐมํ ธมฺมานุโลมปฏฺฐานํ วิภชิตฺวา ตทนนฺตรํ ทุติยํ ธมฺมปจฺจนียปฏฺฐานํ ‘‘นกุสลํ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยาฯ อกุสลาพฺยากตํ เอกํ ขนฺธํ ปฏิจฺจ อกุสลาพฺยากตา ตโย ขนฺธา จิตฺตสมุฏฺฐานญฺจ รูปํฯ ตโย ขนฺเธ ปฏิจฺจ เอโก ขนฺโธ จิตฺตสมุฏฺฐานญฺจ รูปํฯ ทฺเว ขนฺเธ ปฏิจฺจ ทฺเว ขนฺธา จิตฺตสมุฏฺฐานญฺจ รูปํฯ นกุสลํ ธมฺมํ ปฏิจฺจ นอกุสโล ธมฺโม อุปฺปชฺชติ เหตุ ปจฺจยาฯ วิปากาพฺยากตํ กิริยาพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํฯ ตโย ขนฺเธ ปฏิจฺจ เอโก ขนฺโธ จิตฺตสมุฏฺฐานญฺจ รูปํฯ